Акыркы сегиз айда салыктык түшүүлөрдүн көлөмү өткөн жылга салыштырмалуу 17,3% же 9,8 млрд сомго өстү

Дата: 11:45, 12-09-2018.

Бишкек. 12 - сентябрь. КирТАГ – Салыктык түшүүлөр 66,5 млрд сомду түздү, же план 100,4% аткарылган. 2017-жылдын ушул мезгилине салыштырмалуу түшүүлөр 17,3% же 9,8 млрд сомго өскөн. Бул тууралуу өкмөттүн басма сөз кызматы билдирди.

Салык кызматы боюнча түшүүлөр 39,4 млрд сомду түздү же план 100,4% аткарылган. 2017-жылдын ушул мезгилине салыштырмалуу түшүүлөр 10,4% же 3,7 млрд сомго өстү.

Бажы кызматы боюнча түшүүлөр 27,0 млрд сомду түздү же 100,4% аткарылган. 2017-жылдын ушул мезгилине салыштырмалуу түшүүлөр 29,1% же 6,1 млрд сомго көбөйгөн.

Салыктык эмес түшүүлөр 8,7 млрд сомду же планга карата 106,9% түзгөн. Маалыматка ылайык 2018-жылдын январь-августунда республикалык бюджети аткаруу боюнча, 2018-жылдын 8 айында бюджеттин кирешеси 2017-жылдын ушул мезгилине салыштырмалуу 2,1 млрд сомго көбөйдү.

Ресурстук бөлүгү 2018-жылдын январь-августунда республикалык бюджетке 90,8 млрд сом суммасында ресурс түшкөн же план 102,0%га аткарылган. 2017-жылдын ушул мезгилине караганда ресурстар 6,1 млрд сомго өскөн.

Республикалык бюджеттин кирешесинин жалпы көлөмү 75,4 млрд сомду же пландан 101,3% түзгөн. 2017-жылдын ушул мезгилине салыштырмалуу киреше 2,1 млрд сомго көбөйгөн.

Чыгаша бөлүгү Республикалык бюджеттин чыгашасынын жалпы көлөмү 2018-жылдын январь-августунда 90,0 млрд сомду түздү.

Өткөн жылдын ушул мезгилине карганда республикалык бюджеттин чыгашасы 3,1% же 2,7 млрд сомго көбөйгөн.

Бюджеттик мекемелерден чыгаша беренелерин каржылоого түшкөн бардык билдирмелер толук көлөмдө канааттандырылган.


Поделиться новостью: